الشاعر: احمد ابكر محمد علي
بين العسكر وعيال خرتوم
ياكل شعب الهامش دوم
وحتي الدوم في خلاه عدوم
هناك الجنجا وملايش كوم
بلدا لا من فقر اومعدوم
بلد خيراتها راقدة الكوم
حابساه ضغاين ماليها لزوم
زرقة وعرب فتن خصوم
اصحو ياشعب صحي النوم
رد حقوقك يا المظلوم
بلدنا كفاها احزان وهموم
يتساوي الحق في سودانا عموم
نبني ونعمل عمارنا يدوم
جنينة وفاشر زي الخرطوم
كادقلي وحلفا عماير هوم
تضاهي امريكا ووايت هووم
بين العسكر وعيال خرتوم
ضاع الحق وانبث سموم
والموت بالطلقة أخير من حق مهضوم
احمد ابكر محمد علي
